أرجوزة صحية
![](/thumbs/r800/data/Image/logos2/point_interrogation.jpg)
مشات علينا ياسمينة و قلنا خلاص تهنينا
جانا الحوساين وقلنا مع الاستاد ما يكون باس علينا
ساعا الفقيه اللي نترجاو براكتو، ببلغتو وطا علينا
قالك نتوما السباب في تراجع الصحة وجميع الفعايل الشينة
الخدمة في القطاع الخاص باصطا سالينا
مع الراميد ، الصداع مع المواطن جبدلينا
الخصاص كبير فالاطر فالبادية و فالمدينة
ميزانية الصحة قليلة و اللي كايوصلنا منها عمرو ما يززينا
الدوايات و تقول واش تلقا فالمركز الصحي شي كينة
ليكوبتير اللي دارو واش وجدوا بعدا السبيطارات فين غادي تدينا
المستعجلات ديما عامرة شي كايداوا و شي غي كايفوج الغبينة
الغالب الله بالإمكانيات الموجودة على علاج المواطنين ما قدينا
السبيطارات و المراكز الصحية دايمن الغوات دايمن الروينة
واش حنا دايمن متواجهين مع الناس دايمن فالصداع راه عيينا
حتا لاين حنا غادي نخدمو هاكا مابقات حاجة تعجب ما بقات حاجة زوينة
بشي مسؤولين ولاد الناس باغيين مصلحة المغاربة يا ربي تفرج علينا
Aucun commentaire